PIDATO BAHASA MADURA 3 

" MAULID NABI MUHAMMAD SAW " 

ا لحمد لله ر ب ا لعا تمين و به نستعين عل ا مر ر ا لد ني و ا لد ين و ا لصل ة و لشلا م عل ا شر ف ا للا نبيا و ا لمر شلين سيد نا محمد و عل ا له و صحبه ا جمعين . ا ما بعد

            Hadrotil mukarromin para alim ulamak, kong langkong pengasuh musholla Miftahul Ulum sebeden kaula hormati, kong langkong yang bertindak sebagai dewan hakim sebhadan kaula hormati tor ta’ dimin, rekan – rekan santre, se kenek otabah se rajah se ngedengagi otabeh bunten, senyorak otabeh se congucoh sadhajanah bhadhan kaula cinta sayangi.

            Ngireng sepertama bedan kaula sadajah amuji sokkor de’ kahadirat epon allah SWT, sekak dimmah allah neng saat samangken ka’ dinto amatete yakni de’ bhadan kaula sadeje along – polong, neng tempat se penuh kalabhan barokah ka’ dhintoh dalam rangka lomba pidato se elaksana’agi rutin sabbhan taon sakalean oleh pengasuh musholla tercinta ka’ dintoh.

            Se kadukaleh epon solawat ban salam malar mander tep – teppah dhak junjungan kita nabi besar Muhammad SAW seka’ dimmah Nabi Muhammad ampon abhakta, bhadan kaula sadhejeh dhari alam kabhuduwan menuju ka alam terang menderang se akadi samangken ka’ dinto.

            Sadhejenah santreh sareng sadhajeh dewan hakim se bhadhen kaula amulja’aghi, bhadhan kaule saat samangken ka’ dhinto nyo’on edhih , bhekal abhekta’an judul pidato “ Muljanah Oreng Andhi’ elmo “  karena ponapah bhadan kaula ma’ pas abakta judul saka’ dintoh debunah allah edelem ketab al Qur’an

ا عو د با لله من ا لشيطا ن ا لر جيم ; بسم ا لله ا لر حمن ارلر خيم

ير فع ا لله ا لد ين ا منؤ منكم و َا لد ين اُ تُوْا لعلم دَ رَ جاَ تْ

Se arte epon :

Allah taala bakal ngangka’ah drejeddeh oreng se andik elmu se elmunah ka paneka pas e amalag

Artenah santre – santre paneka se nyare elmu maka sareng Allah taala bekal epatenggi derejeddah, enggi ponapa enggi . . . . ?

            Artenah debunah Allah ta’ala ka’ dinto bekal epalaen derejedeh e antaranah oreng se andhik elmo han oreng setak andhik el . . . . . . . mo ? Baik E Dhalem dunya ponapa pole pagi’ neng akhirat. Oreng sekabanya’an elmunah ban se sakonik elmunah se jellas tak padeh. Ca’ epon na’ kanak samangken tidak Cuma profesinya. Enggi ponapa bunten . . . .?

            Contonah : tokang bangunan ban tokang lolonah manabi ajelling dari lakonah sejellas sara’an tokang lolonah, engghi ponapah engghi ? manabi tokang lolonah gi’ kol satenga petto’ lamangkat, depak ka tempat langsung nyareh landhu’, nyare aing, ngimpok semmin ban cem samacemah. Tak engak karoko’ bhan ka kopi takok tokangah dhateng kol 8 gi’ mun dheteng sala gik pi kopian, ko’ roko’an sabhedde ebeng gik surya tape aponapah ? mak pas larangan tokangah bhejerennah ? polanah tokangngaah oning de’ elmunah abhangun dedhi malarang elmunah.

            Para santre sareng dewan hakim sebhedeh kaula amulja’aghi !

Deddhi ngireng sadhaje santre se raja otaba se kenik jha’ rukaburuh se ambhuah makle ngaolle elmu se banyak sopajeh deddih oreng se larang argenah dedhingireng dhe’ budih samangken ka’ dintoh je’ rang – rangrang ngaji mun gun ojhen apajungan, mun padam ngibeh lilin, kecuali manabi bhedeh lendhu otabeh tsunami ta’ aponapah. Semaos kaula dhibik tak oning sematorona karena manabi oreng tak andi’ elmo ka’ dinto rogi ponapah pole neg akhirat pagi’ senajen rogi rajah dhabunah kanjeng nabi

مَنْ اَ ر ا دَ ا لدّ نْيَا فَعَلَيْهِ بَاالعِلْمِ وَ مَنْ ا َرا دا خِرَ ة فَعَلَيهِ بِاا لْعِلْمِ . وَ مَنْ اَ رَ دَ هُماَ فَعَلَيْهِ بِا اْ لعِلْمِ

Se Arte epon :

Sapa sapa oreng se terro salameddheh e dhalem dunyah otabeh terro salameddeh e delem akhirat / Terro salamedheh e delem dunya sampek akhirat ka’ dinto debunah kanjeng nabi kodu pa andhik elmu.  ? satu satunya jalan kodhu ajer !

 Deddih ngireng de’ cakancah pongpong omor ghik ngudeh ka’ dinto guna’ aghi kaangguy nyareh elmu, guna’aghi ka angguy ibadah je’ gun abeddhek  maloloh, jek gun apoles mua melolo, jek ter kabeter kaule bhan panjhennengan sadheje manabi oreng andhi’ elmo paggun pajuh.

            Para hadirin para santreh se bhadan kaule amulje’ aghi se saka’ dinto amator bhadan kaule korang lebbinah nyu’unah saporah sesobung betessa. Bhedeh pantun sakonik, dhaun langker aesseh guleh, edu’umah de’ cakancah lamon esser pale bhadan kauleh.

اِ هْدِ ناَ ا لصّرَ ا ط ا ُلمُسْتَقِيْم ثُمّ ا لسلاا م عَلَيْكُم وَ رَ حْمَةُ ا لله و با رَ كا تُهْ